Vilje hals

Sist eg var innom Hillesvåg,

vart garn og mønster til Vilje hals

med heim i bagasjen....

Her er brukt Vilje, lamullgarn

eg prøver og med

Tynn Peer Gynt, Sandnesgarn

Eg var innom Oleana, Ytre Arna

Dei har vanlegvis ikkje garn til salgs,

Dei hadde fått inn eit parti til eige bruk,

der dei ikkje var fornøgd med spinninga, til sitt bruk.

halser vart det av dette garnet og

det var akkurat nok rester til ein 4. hals av Oleana garnet

Enkle å strikke og greitt arbeid å ha med seg rundtom.

 

Selbuvotter

Så vart det nok ein runde med Selbuvotter

Eg har laga så mange par at eg stort sett ikkje treng mønsteret,

så dette har blitt eit "ta med ut" strikk

Denne gongen har eg omtrent tømt skuffa med 

Eco Highland, Vikinggarn.

Under har eg sett saman smårester av Eco Highland

Eg er av og til innom Hillesvåg ullvarefabrikk,

ein gild plass å besøke,

der eg alltid blir glad når eg kjem inn

 og ser mengden av ulike farger rundt på veggene.

Eg var på leit etter garn til andre produkt,

men kjøpte og med meg litt Sol, 

med tanke på votter.

Med 100 g av kvar farge, fekk eg tre par votter.

Litt uvant å strikke med dette garnet,

men det ga absolutt meirsmak.

No er eg i gang med andre prosjekt.

Det vert nok meir Selbuvotter etter kvart.

Om eg ikkje treng eit lite "ta med ut" strikk,

så vert desse mønstera "sett på vent" ei tid.

 

Selbuvotter i restegarn

Å strikke med restegarn,

er gildt og spennande.

Ein ting er å setje saman farger,

ein annan er å sjå korleis resultatet vert.

Dei to første para fekk ny eigar,

før dei var ferdige.

Her har eg brukt rester av Peer Gynt.

og det har minka godt i korga

men kanskje kan eg mikse farger til eit par til.

Det vert vel heller til at eg kjøper nytt garn,

før eg strikker meir i denne garntypen.

Eg får ta fatt på litt anna garn først...

Bølgegenser til barn

For ei tid tilbake kjøpte eg garn og mønster til Solbergvotten,

 hos Solberg Spinderi

Denne genseren er strikka i same garnet, Vilja,

som eg fekk lyst til å teste ut litt meir.

Eg tykkjer garnet er godt å strikka med.

genseren er strikka på p 3 og 3,5

både mønster og garn er frå Solberg spinderi.

Det er gildt å prøve nye mønster og garntyper.

 

Genser nr 3 med utgangspunkt i jakke frå Shetland

Nr 3 er litt ulik nr 1 og 2

Eg har gått ut frå det mønsteret

som eg kjøpte på Shetland i juni.

"treet" er med på alle 3,

eg har bare endra på mønsteret mellom trea, mm.

Når det gjeld farger,

så har vi ikkje det utvalget som på Shetland

Eg tykkjer sjølv eg fekk fram fargeeffekten,

ved bruk av denne fargekombinasjonen

som på dei to første,

har eg brukt Sisu, Sandnesgarn

nr 1 og nr 2 er strikka i heilt andre farger.

sjølv om mønsteret likner, 

blir dei ulike å sjå til.

Det er morro å prøve seg fram,

med ulike farger/mønster,

men nå er eg klar for andre ting.

Selbuvotter

Eg har fleire gonger fått spørsmål om Selbuvotter.

Endeleg kom eg i gang med vottestrikk.

Eg fann fram ulike mønster, 

mest for å prøva ut kva mønster eg ville satse på.

Eg hadde fleire enkle nøster i ulike farger,

 litt garn nok bunnfarger,

og har i tillegg kjøpt litt bunnfarge, 

som passa til det garnet eg allerede hadde.

dei rød vart litt store, så desse har eg tova litt

ulike mønster og litt forskjellige stjerner

for ei tid tilbake, fekk eg tilsendt eit par slike votter.

Dama som sende dei, hadde ikkje mønster. 

Eg har prøvd å laga meg eit mønster,

og blitt glad i denne måten å strikke stjerna på

No har eg smårester i nesten alle fargane,

så ein dag må det bli nokre fargerike utgaver,

før eg kjøper inn meir garn.

 

2 par votter frå heftet "votter fra Sør-Varanger"

Bestilling frå ei av mine i nord

votter tilpassa fargane i samekofta.

Mønster og valgt av mottaker.

Dette mønsteret frå Sør-Varanger,

og er mykje brukt mykje gjennom lang tid,

 i Varangerområdet

Paret vart stort nok til herre,

dette har eg tova, så no passer det til dame.

Stjernemønster er vanlig nå,

bare med litt forandringer.

Garn: Peer Gynt

Pinner: 2,5

 

Marius til 0-3 mndr

For ei tid tilbake,

kom det forespørsel om å strikke Marius,

til nyfødt/0-3 mndr.

Fleire plagg stod på lista,

 og eg har gjort det nådde på denne tida.

Ein liten prins skal bli født tidleg på nyåret,

kleda måtte vera avgårde med posten før jul.

PS pakken er snart i mottakers postkasse.

Plagga er ikkje store,

men det tek litt tid likevel.

Eg har brukt babyull, pinner 2 og 2,5.

Sokker og votter skulle og vera "marius",

det har eg ikkje sett oppskrift på.

Eg valgte ut småborder som passa til størrelse på sokker/votter.

Nå håper eg mottaker blir fornøgd,

og at vesleprinsen ikkje veks utav kleda "første veka"...

 

Kaila genser

Då eg var på Shetland hadde "alle" slike jakker,

treet går igjen,

men elles så er det mange ulike varianter.

Dei fleste av oss,

fotograferte mang ei jakke,

på museum, i bruk eller i butikker...

Eg kom over eit mønster på ei slik jakke,

Kaila

Størrelsane er små i denne oppskrifta,

samt at eg vil ha genser.

Eg har tilpassa genser i rett størrelse.

Fargeutvalget på Shetland er stort og mangfoldig,

det gjer at det ikkje alltid er like lett 

å få til same effekten med fargane vi har her.

Eg har valgt å bruke Sisu, Sandnesgarn.

På den første genseren,

brukte eg diagrammet i oppskrifta.

Genser nr to er tilpassa mottaker,

som ville ha svart botn, grønt i diagrammet.

Her har eg laga ein variant mellom trea.

Den siste er og meir open i halsen

Det er morro å lage sine eigne vrier,

og nå er eg i gang med genser nr 3

denne gongen med heilt andre farger.

Det er nesten slik at eg "må" få ferdig bol og armer i ein fart,

for eg er litt nysjerrig på korleis denne fargesamansetninga blir.

Eg har og planer om å gjere nokre endringer i diagrammet....

 

Marius til småbarn

Dette starta eg på tidleg i vår,

då det vart kjent at ein ny verdensborger var på vei.

Eit arbeid å ta til innimellom,

for det var langt fram til den store dagen.

Barnet er nå allerede nokre månader,

 og det er på tide å levert det heile

Eg har strikka til bruk neste vinter.

Sokker og votter er i ulike størrelser,

dei vart til utan mønster.

Fargen er litt mørkare enn på biletet.

Strikka i Sisu, Sandnesgarn.

Hadelandsvotter

Den første ein kjenner til, som strikka Hadelandsvotter, 

(denne betegnelsen er fra 1945)

var Pernille Rosendal f. Egge 1823, Brandbu

Marte Egge, f Egge 1941,

har i mange år samlet inn opplysninger om Hadelandsvotter.

Hun strikket votter etter gamle modeller.

Marte Egge sitt ønske er at Hadelandsvotter skal føres videre.

I 1997 tilbyr hun eierretten til Hadeland Husflidslag.

Det er der eg fekk kjøpt strikkepakke til desse vottane.

Det finns tre ulike modeller, her har eg strikka modell Rosendal.

Eg fekk kjennskap til vottane,

gjennom ei kreativ handarbeidsdame,

der mora strikker desse vottane heile tida.

Morro å prøve andre og litt meir ukjente modeller og.

Desse vottane er strikka i Rauma 2-tråds garn.

Selbuvotter med snøfnugg og stjerne

Når eg besøkte Sjølingstad uldvarefabrik

kjøpte eg garn og mønsterpakke til votter.

i oppskrifta er det mønster til to votter.

Først strikka eg snøfnuggvottane,

i herrestørrelse

med 3 trådsgarn og pinne 3 

vart dei store og vide.

Eg vog restegarnet, 

og såg at det kunne vera nok til eit par til

eg valgte å bruke pinne 2,5

på stjernevottane

det vart for lite garn.

Ser du godt,

vil du nok sjå at eine votten har ulik blåfarge

øverst, og på tommel.

då eg hadde 3-4 omganger igjen på tommel

vart det slutt på den lyse fargen.

Eg var ikkje like heldig som med blåfargen,

og hadde ikkje noko som likna den lyse fargen.

for å få votten ferdig,

valgte eg å bruke litt kvitt på dei siste omgangane.

Vottane skal på votteveggen,

men uansett så vil dei varme like godt.

Solbergvotten

Solbergvotten

mønster og garnpakke frå Solberg Spinderi.

Når eg ser på vottane så minner dei meg om eit vevd åkle,

kanskje det er det som er utgangspunktet for dette designet.

Vottane er strikka i garnet Vilja, 100 % økologisk ull.

Eit godt garn å strikke i.

Eg har brukt pinne 2,5 på heile votten.

Tommel vart litt smal

det vart nok garn til par nr 2

med å bytte litt om på fargane.

Det lyse paret skal opp på votteveggen min.

Det aukar på veggen,

eg må visst snart ha ei ny oppteljing....

Sokker i ulike garn og størrelser

Sokker er eit enkelt og lett arbeid å ha med ut blant andre.

Eg har alltid sokkegarn heime,

og nesten alltid eit par sokker eller votter i arbeid.

Sokker er og lett å ta fram innimellom,

når ein arbeider med større prosjekt.

Denne gongen vart det sokker til baby/barn/dame

 

Estelle's fingerless gloves, Shetland

nok eit mønster eg tok med meg frå Shetland.

Eg kjøpte i fargane som forslått i mønster.

her er 7 farger, 

og i mine auge vart dei litt for like kvarandre,

når dei kom inn i mønsteret.

raske å strikke med eit enkelt mønster

Det var mykje garn til overs

eg snudde litt på fargane,

brukte 5 farger

Fortsatt garn igjen,

dette får liggja til eg får fleire rester av det Shetlandske garnet.

Eller eg bruker det saman med norsk 2 tråds garn

prøvde meg fram med litt skarpare farger

her med 2 tråds garn frå Sjølingstad Uldvarefabrikk.

5 farger

tilslutt fann eg fram 2 farger

Ask, Hillesvåg Ullvarefabrikk

Eg er nok meir førnøgd med slike klare farger,

 der eg ser mønsteret tydeleg,

pga synet.

har tova dei litt.

 

Lange pulsvanter

Pulsvanter med god lengde oppover armen,

og fingrer

vart til for min eigen del.

Til bruk når eg er ute på tur,

og har kameraet med.

Laga først eit par utan fingrer,

men kjenner at det blir lunare med fingrer.

Då eg reiste til Shetland,

hadde eg eit par på pinnane,

og tok dette med som arbeid undervegs.

Det var kaldt på Shetland,

pulsvantane var brukt mykje på turen.

Tommel og fingrer på dette paret 

vart godt tova på turen, 

bare ved at eg brukte dei.

Etterpå har det blitt nokre par til,

eit har allerede fått ny eigar,

og skal snart ut på tur, 

litt nordover på Vestlandet.

Striper og farger blir til undervegs,

på denne måten får eg brukt alle smårester og.

Dei er enkle å strikke, og eg liker å strikke med villsaugarn.

Varmer godt gjer dei og.

Hamarvotten, Buene i domen

Hamarvotten,

Buene i domen

Designet av Mette-Gun Nordheim.

Mønster, garnpakke fås kjøpt hos Hamar Husflidslag

Garn: 2-tråds gammelserie, Rauma garn

Votten har i seg symbol på Domkirkeruinen,

og solen som solsiden av Mjøsa i tuppen

Desse vottane fekk eg tips om,

frå handarbeidsdamer 

som var med til Shetland.

Vottane har eit enkelt mønster,

og var raske å strikke.

Det er ikkje tid for votter nå,

men det er eit lite og lett arbeid

nå i sommarvarmen.

Nok eit par til votteveggen min.