Flokkengenser til barn x 2

Eg pleier ikkje å hive meg over nye design,

men denne gongen var eg på jakt etter noko nytt å strikke.

Vikinggarn har nettop gitt ut dette mønsterheftet,

og eg lika det eg såg...

den vesle mønsterborda og fargeskiftet

laga mykje liv i genseren.

Eg har brukt Viking sportsragg, som var forslag i mønsteret

og pinner 3 og 3,5

Der er og oppskrift til sokker og huer,

 så kanskje det vert noko av det og, etter kvart.

 

Kanalkofte/genser

Eg har lenge hatt dette garnet på lager,

då eg ei gong i tida kjøpte dobbelt opp,

i tilfelle den genseren eg då skulle strikke,

vart for liten...

Denne vårlege fargen er ikkje lenger å få kjøpt,

i Smart, Sandnesgarn.

Eg rekna og rekna, på meter i kvart nøste,

for å finne ut kor stor genseren kunne bli.

Eg hadde svaret, trudde eg,

og sette i gang med ein genser i st L.

Når bolen var ferdig, såg eg fort at eg hadde rekna feil.

Eg rekna på ny,

 og tok fatt på str S.

Likevel vart det i minste laget med grønt.

Eg hadde ein del kvitt,

og valgt å bytte farger på mønsterdelen.

Eg fekk då, både litt grønt og kvitt til overs.

Eg har brukt pinner 3 og 3,5.

Denne blå strikka eg i haust,

eg liker godt begge variantane.