Minecraft genser

Bestemorgutten fekk sjå eit bilete av ein tilnærma lik genser.

Hane ser med bedande auger på mammaen sin,

men ho rister på hovudet.. ho kan ikkje

Bestemorgutten ser så på bestemor,..

ja, selvfølgeleg kan bestemor strikke ein mincraft genser.

Bestemor veit at mincraft er eit dataspel.

men utover det har ho ingen kjennskap til  dette.

Bestemor finn teikningar/bilete på nettet/pinterest,

og lagar sine eigne diagram.

Ein barnegenser med rund felling er utgangspunktet,

deretter  mykje telljing og tilpassing av mønsterstriper.

Eg hadde begynt å ta ut garn i ein type garn.

men gjorde om på alt og valgte tilslutt Viking sportsragg, 

på grunn av fargeutvalget.

Bestemorgutten ga bestemor nokre instruksjoner,

om kva som måtte bli med, og navn på figurer.

Han var og med på å ta ut farger.

litt har nå bestemor lært,

om lava, moldhauger, gras og figurnavn...

Det er morro å strikke ting som blir til undervegs.

Eg hadde jo eit visst bilete i hovudet på førhand,

men figurer og farger er plassert/har bytta plass undervegs.

På grunn av garnet,

er nok genseren i største laget,

Ein dag vil han vel passse perfekt

Ein ting er bestemor sikker på,

det blir ikkje fleire av dette slaget

med det første......

Barnehagevotter med dinosaur 1,5/2 år

Eg strikka dinosaurvotter i fjor,

til storebror med fleire.

Her om dagen hadde storebror vottane på i barnehagen.

Det var så stas med dinosaurvotter..

Storebror vart veldig oppteken av at veslebror

ikkje hadde slike votter.

Utpå dagen måtte storebror ringja til bestemor,

for å spørja om veslebror 

og kunne få slike dinosaurvotter.

Bestemor er ikkje vanskeleg å be.

Eg var bortom ein tur,

for å finne ut sånn nokonlunde størrelse,

og eg studerte eit par andre barnehagevotter.

Storebror kom for å sjå,

og lurte fælt på kor dinosauren var...

Storebror: no er dinosauren og vottane klar..

så ein av dagane som kjem,

 kan veslebror og ha dinosaurvotter i barnehagen.

planen var å ha grøne tomler,

slik at brødrene lett kan sjå kven sine votter det er.

Av gammal vane,

så strikka eg først eit par med svarte....

Vel, desse vottane er tydeleg populære,

det andre paret har og allerede fått ein eigar,

men det får han først vite til jul.

Garn: Pt 5 superwash, Rauma

pinner: 2,5

Det er morro når det ein lager vert så godt motteke.