Fleire fuglehuer....

Eg får stadig bestilling på fuglehuer,,,,

- etter ynskje har eg atter ei gong gjort endringar på huene

Denne gongen var det ynskje om dusker på toppen,

og nederst. 

 - det var og ynskje om nokre snillare fuglar..

Eg bruker same utgangspunkt og endrer litt på farger og ansiktsuttrykk.

- så nå får eg håpe at huene blir til glede, 

for dei gutane og jentene som opner pakkane på julekvelden

Arbeid for heklenåla

I det siste har eg hatt mange prosjekt,

med heklenål og bomullstråd,

i arbeid på same tid.

Det har blitt fleire OL og Volvohuer

 - nøkkelringfamilien vart etter kvart stor og fargerik...

 - Angry bird med dusk, etter ynskje frå ein mann i nord

- nokre av tinga er allerede framme,

andre er forstsatt på ei lengre reise, 

på veg til sine nye eigarar

- resten vert lagd på vent,
 i skuffa,

 for ferdigproduserte ting...

Til storebror og lillemann...

Oppskrifta er i heftet "Til fjells" frå Sandnesgarn,

Eg har brukt Smart garn, pinner 2,5 og 3

den føsrte er i str L

 nr 2 er str 6/8 år

- eit enkelt mønster som gjer mykje av seg..

Herresokker i grått og svart

Eg kjøpte heim garn, 

med tanke på to par marius sokker, til herre

 - etter første paret,

såg eg at det var ikkje nok garn att,

 til endå eit par med marius mønster på.

Eg tenke at med striper,

då drøyer eg garnet slik at det nok garn til det siste paret og.

Eg kunne kjøpt meir garn,

men då ville eg hatt eit halvt nøste igjen, 

som ville havna i restegarnhaugen....

- sjølv med striper, vart det litt i minste laget med garn,

Så for å få fella dei siste rundane,

festa eg tråder på sokkane og brukte dei lengste bitane,

Sjølv om det vart litt putlete på slutten, så eg kom i mål...

- eg håper berre dei er lange nok til herren i nord..

Det beste av alt,

det vart ikkje noko restegarn å samle på...
- og varmer gjer dei jo uansett...

"tømmeskapetstrikking" 2

Eg har vore ivrig den siste tida, (tykkjer eg i allefall sjølv)

og gjort det eg lova meg sjølv:

- strikke 2 plagg med garn frå "skapet med det rare i"

før eg kjøper noko nytt garn.

- Ei ullbukse er ferdig og levert

 - ei ullbukse er ferdig strikka, klar til montering

begge i Silja garn

 - samtidig har eg kome eit stykke på vei på med eit barneteppe i rillestrikk,

i ullteppegarn

 - det minker i hylla med Silja garn....

 - har gjort klar dette garnet, og er godt igang med nok ei ullbukse

- resten av Silja garnet kan bli til bl.a.ei ullbukse i mange farger,

eller gå til sokkeproduksjon...

- alt etter kva eg har lyst å strikke når den tid kjem...

.

- om ikkje lenge er eg på vei til garnbutikken,

eg treng nytt garn til eit heilt nytt prosjekt.

"tømmeskapetstrikking"

I årenes løp har det samla seg ganske mykje

 i "skapet med det rare i"

hos meg, som hos så mange andre handarbeidsinteresserte.

Ein del av garnet har eg allerede brukt,

men har bestemt meg for at eg skal tømme skapet litt til,

før eg invisterer i nytt garn.

Ei gong i tida hadde eg eit større prosjekt på gang,

der eg skulle bruke ein del smart garn, 

 som av ein eller annan grunn vart avslutta....

Bunnfargen til plagga under er smart,

og mønsterfargane superwash sport.

 - for å få brukt mest mogleg garn,

valgte eg å strikke
den største barnestørrelsen på mønsteret, 12 år

Det garnet eg då hadde igjen,

var akkurat nok til ein tunika i str 1 år

- nå er det slik at det er blitt eit stort tomrom i skapet,

og eigentleg vil eg ut på garnhandel,

- men skal prøva å halda meg,
 til eg har fullført eit par plagg til....

testing av nytt mønster 2

Den første genseren gjekk det greitt å strikka

- nr 2 begynte bra

- bol og armer vart eg forsåvidt okei fornøgd med

- eg strikka vidare på mønsteret, på bærestykket,

eg vart mindre og mindre fornøgd med strikkeresultatet.

Når eg var komen litt ovanfor midten,

oppdaga eg selvfølgeleg og ein feil,

 i det som eg allerede hadde strikka.....

 - vel, enden på visa vart, at eg rekkte opp att heile mønsteret,

og strikka bærestykket einsfarga,

For heilheten tok eg med øverste bord i mønsteret.

- sjølv på denne enkle borda klarte eg å gjera feil.

og måtte rekkja opp att......

Nei, denne gongen var det "ikkje min dag" 

 - eg fekk iallefall eit ferdig produkt,

om det ikkje vart som det skulle....

- det halvferdige produktet som det kunne blitt,

vart ikkje lagt på lagring i skapet eller kasta i bosset.....

.

Genseren vart etter mitt syn fin likevel,

og varmer gjer han uansett....