Solbergvotten

Solbergvotten

mønster og garnpakke frå Solberg Spinderi.

Når eg ser på vottane så minner dei meg om eit vevd åkle,

kanskje det er det som er utgangspunktet for dette designet.

Vottane er strikka i garnet Vilja, 100 % økologisk ull.

Eit godt garn å strikke i.

Eg har brukt pinne 2,5 på heile votten.

Tommel vart litt smal

det vart nok garn til par nr 2

med å bytte litt om på fargane.

Det lyse paret skal opp på votteveggen min.

Det aukar på veggen,

eg må visst snart ha ei ny oppteljing....

Sokker i ulike garn og størrelser

Sokker er eit enkelt og lett arbeid å ha med ut blant andre.

Eg har alltid sokkegarn heime,

og nesten alltid eit par sokker eller votter i arbeid.

Sokker er og lett å ta fram innimellom,

når ein arbeider med større prosjekt.

Denne gongen vart det sokker til baby/barn/dame

 

Estelle's fingerless gloves, Shetland

nok eit mønster eg tok med meg frå Shetland.

Eg kjøpte i fargane som forslått i mønster.

her er 7 farger, 

og i mine auge vart dei litt for like kvarandre,

når dei kom inn i mønsteret.

raske å strikke med eit enkelt mønster

Det var mykje garn til overs

eg snudde litt på fargane,

brukte 5 farger

Fortsatt garn igjen,

dette får liggja til eg får fleire rester av det Shetlandske garnet.

Eller eg bruker det saman med norsk 2 tråds garn

prøvde meg fram med litt skarpare farger

her med 2 tråds garn frå Sjølingstad Uldvarefabrikk.

5 farger

tilslutt fann eg fram 2 farger

Ask, Hillesvåg Ullvarefabrikk

Eg er nok meir førnøgd med slike klare farger,

 der eg ser mønsteret tydeleg,

pga synet.

har tova dei litt.

 

Lange pulsvanter

Pulsvanter med god lengde oppover armen,

og fingrer

vart til for min eigen del.

Til bruk når eg er ute på tur,

og har kameraet med.

Laga først eit par utan fingrer,

men kjenner at det blir lunare med fingrer.

Då eg reiste til Shetland,

hadde eg eit par på pinnane,

og tok dette med som arbeid undervegs.

Det var kaldt på Shetland,

pulsvantane var brukt mykje på turen.

Tommel og fingrer på dette paret 

vart godt tova på turen, 

bare ved at eg brukte dei.

Etterpå har det blitt nokre par til,

eit har allerede fått ny eigar,

og skal snart ut på tur, 

litt nordover på Vestlandet.

Striper og farger blir til undervegs,

på denne måten får eg brukt alle smårester og.

Dei er enkle å strikke, og eg liker å strikke med villsaugarn.

Varmer godt gjer dei og.

Hamarvotten, Buene i domen

Hamarvotten,

Buene i domen

Designet av Mette-Gun Nordheim.

Mønster, garnpakke fås kjøpt hos Hamar Husflidslag

Garn: 2-tråds gammelserie, Rauma garn

Votten har i seg symbol på Domkirkeruinen,

og solen som solsiden av Mjøsa i tuppen

Desse vottane fekk eg tips om,

frå handarbeidsdamer 

som var med til Shetland.

Vottane har eit enkelt mønster,

og var raske å strikke.

Det er ikkje tid for votter nå,

men det er eit lite og lett arbeid

nå i sommarvarmen.

Nok eit par til votteveggen min. 

Shetland woolweek hat 2025. 1 mønster 4 huer

Kvart blir det arrangert Woolweek på Shetland,

i månadskiftet september- oktober.

Det blir laga eit nytt huemønster kvart år.

Eg kjøpte med meg eit mønster,

og har utav dette mønster laga 4 ulike huer.

Det er nå ein ser kor mykje samansetjing av farger har å bety.

Hue 1

I mønsteret er det fleire forslag med ulike antal farger.

Eg har ein del rester av Uradale garn frå Shetland,

og velger å strikke diagrammet med 8 farger.

Det vart eit fargerikt mønster,

men eg fekk ikkje fram mønsteret i oppskrifta

Hue 2

Eg leita i korga med Ask, Hillesvåg, garn.

Eg var litt bevisst på korleis eg brukte fargane,

og fekk fram eit mønster som likner meir på woolweek hua.

5 farger

Hue 3

Eg har nettop vore på omvisning på Sjølingstad Uldvarefabrikk,

der eg på førehand hadde planlagt å kjøpe med garn,

til ei woolweek hue, for å prøve ut det garnet og.

Med fargane i hue 2 i tankane,

valgte eg 5 farger.

Igjen viser det at fargesamastjing betyr mykje.

Kvitt og gult som såg fint ut saman med dei andre fargane,

vart her litt for markerte.

Hue 4

Eit siste forsøk,

denne gong med  rester av Finull, Rauma.

Eg valgte denne gongen å bruke 3 farger.

Her var eg heldigare med fargane,

mønsteret kjem fram slik eg håpa.

Huene vart litt store,

eg kunne nok valgt pinne 2,5 i staden for p 3.

Eg har tova dei litt.

Det er morro og lærerikt 

å prøve seg fram med farger og mønster.

Jubileumsvottar, Osterøy museum

Osterøy museum har gjennom hundre år, 

samla gjenstander og minne som fortel om menneska 

som har levd i bygdene våre,

om lokale kulturuttrykk og særpreg.

Det er forteljinger frå ei tid

der det meste vart laga heime.

I samlingane finns det fleire mønsterstrikka trøyer,

med åttebladroser eller striper,

I dag kalles desse Ostratrøyer.

Til museet sitt hundreårsjubileum,

ville vi gjerne dele mønsteret fra dei vakre strikketrøyene 

og har laga to vottemønster.

(utdrag frå mønsteret)

Vottane er strikka i Ask, Hillesvåg Ullvarefabrikk

litt uvant med "lus" kun på framsida av votten,

ekstra tråder å feste, men ikkje vanskelig å strikke

Det har ikkje blitt så mange vottepar i år,.

Det ligg mang eit par mønster, 

og garn på vent,

så eg håper å få ferdig fleire utover hausten.